Доколку играше во Европа, Мајкл Џордан ќе беше просечен играч
За голем број на кошаркарски фанови Мајкл Џордан е најдобриот кошаркар на сите времиња, помладата генерација има свои фаворити во Коби Брајант и Леброн Џејмс, а има и фанови кои сметаат дека „летечкиот Мајкл“ би бил сосема поинаков кошаркар доколку играше во Европа.
Еден од тие што го делат последното мислење е легендарниот тренер Божидар Маљковиќ. Според зборовите на поранешниот НБА играч Џон Сили, кој соработуваше со Маљковиќ во Панатинаикос, Џордан не би бил суперѕвезда во Европа. Ова стои во книгата „Циркус три прстени: Коби, Шек, Фил и лудите години на династијата на Лејкерс“, а чии делови од неа пренесува „Марка“.
„ Сили ми рече дека веднаш откако се запознал со Маљковиќ, тренерот му рекол дека Џордан би бил просечен играч во Европа и дека би постигнувал просечно 16 поени по натпревар. Сили ми рече дека веднаш увидел оти нема долго да се задржи во Панатинаикос, и си замина по само седум недели“, пишува во книгата.