Екс играчот на Металург Додиќ направи трансфер во полскиот гигант Кјелце

Голем чекор во кариерата на големиот српски талент Стефан Додиќ/Фото: facebook.com/stefan.dodic.14

Денеска полскиот ракометен клуб Кјелце објави дека нивни нов играч од сезоната 2022/2023 ќе биде младиот 18-годишен играч Стефан Додиќ со договор на четири години.

Тој е еден од најголемите ракометни таленти во Србија кој ги бранеше боите на Металург, а потоа и на Охрид.

На 15-годишна возраст дебитираше СЕХА лигата, промовирајќи се како најмлад во историјата на ова регионално натпреварување, а исто така веќе го имаше и своето деби во дресот на најдобрата српска репрезентација.

Од сезоната 2022/2023 за Кјелце боите ќе ги бранат уште Недим Ремили, Сташ Скубе, Елиот Стенмалм, Халил Јагањац и десното крило Беноа Кунку. Една година подоцна ќе пристигне и левиот египетски бек Хасан Кадах.

Кјелце оваа сезона блеска во Лигата на шампионите, моментно има пет победи и еден пораз за прво место во групата „Б“.

Видео на денот