Според најновите податоци на Државната изборна комисија, излезноста до 11 часот изнесува 10,1 отсто на ниво на цела држава, врз основа на обработени 92,94 проценти од избирачките места.

Овој одѕив е нешто повисок во однос на првиот круг од изборите, кога до истиот термин излезноста изнесуваше 9,38 проценти.

Агитираат во изборен молк: Иселеници од Швајцарија доаѓаат да гласаат во Струга

Највисока излезност досега има во Пробиштип (22%), Лозово (20,87%), Демир Капија (19,92%) и Крушево (19,92%), по што следуваат Ранковце (18,29%), Дојран (17,43%), Конче (16,51%), Кичево и Чешиново-Облешево (по 15,96%), Зрновци (15,89%), Чучер Сандево (15,85%), Брвеница (15,29%), Македонска Каменица (15,09%), Росоман (14,26%), Дебарца (13,99%), Македонски Брод (13,5%), Валандово (13,33%), Виница (13,07%), Неготино (12,86%) и Карпош (10,9%).

Во долниот дел на листата се Могила (10,61%), Кисела Вода (10,25%), Кочани (9,99%), Долнени (9,37%), Аеродром (9,36%), Струга (9,16%), Тетово (8,28%), Ѓорче Петров (8,03%), Гази Баба (7,62%), Бутел (7,34%), Дебар (6,69%), Боговиње (6,67%), Куманово (6,42%), Шуто Оризари (5,93%), Чаир (2,67%), а најниска излезност има во Сарај — 1,86%.

Излезноста, според податоците од графиконот, продолжува да расте стабилно.

Следниот пресек на ДИК ќе биде објавен во 13 часот.

ВО ЖИВО | Локални избори во Македонија — втор круг