Задоволни од прикажаното во досегашните настапи, начинот на работа, дисциплината, упорноста, желбата за успех на овој млад играч, ФК Вардар АД гледа блескава иднина на Димитар Тодоровски во црвено-црното семејство.

На заедничко задоволство извршниот директор на ФК Вардар АД, Миленко Неделковски, и играчот за врска Димитар Тодоровски, потпишаа договор до јуни 2028 година.

Во есенскиот дел од шампионатот досега сезонава, 23-годишниот играч од средниот ред запиша 16 настапи и еден гол во гостинската победа од 0:2 над Брера Струмица.

Фудбалерите предводени од тренерот Гоце Седлоски се моментно првопласирани во првенството со 42 бодови и единствени без пораз.

Претходно нови договори со клубот потпишаа и Диего Кастањеда (до 2028 година) и Михаил Маневски кој ќе го носи дресот на скопската екипа уште две години.