Денеска ракометниот клуб Прилеп 2010 го претстави најновото засилување во своите редови, 27-годишниот Димитар Димитриоски.

Левото крило со интернационално искуство, кој досега настапуваше за шпанскиот клуб Атлетико Ваљадолид, се враќа во Македонија и ќе биде важен дел од РК Прилеп 2010 во новата сезона.

На клупски план ги бранеше и боите на РК Металург 2, РК Металург, Вардар 1961 и Еурофарм Пелистер 2, а има и настапи за најдобрата македонска репрезентација.

Претходно РК Прилеп 2010 ја извести јавноста дека нов тренер на екипата на Наум Танески, поранешен тренер на РК Струга и актуелен селектор на младинската репрезентација на Македонија.

Танески минатата сезона ја водеше Струга и успеа да обезбеди опстанок во Суперлигата, а сега со голема амбиција пристапува кон нов предизвик во Прилеп.