Славниот филмски и телевизиски комичар Џим Кери веќе со години на друштвените мрежи објавува свои  цртежи со политичка тематика. Сето тоа започна во 2016 година откако Доналд Трамп стана американски претседател, а Кери на Твитер почна да објавува цртежи на кои е прикажан Трамп заедно со неговите сојузници со коментари кои ја искажуваат лутината на Кери. Откако во рок од 2 години нацрта повеќе од 100 цртежи, тој одлучи да ги урами и во Лос Анџелес организираше изложба со наслов „IndigNATION: Political Drawings by Jim Carrey 2016-2018“.

Таа изложба не беше крај за цртањето на Кери, Трамп се уште е американски претседател, па затоа актерот продолжи да ги објавува своите дела на Твитер. Убиството на Џорџ Флојд и демонстрациите во американските градови последните неколку недели се повод за новиот ангажман на Кери. Тој во неделата насликал и објавил на Твитер портрет од Џорџ Флојд за во понеделникот да објави цртеж по повод случувањата во градот Бафало, каде полицајците турнаа 75-годишен демонстрант кој падна на бетонот и започна да крвари.

pic.twitter.com/yZKrOPvVrn

— Jim Carrey (@JimCarrey) June 7, 2020

„Пред демонстрациите, полицијата примила дојава дека AARP агитатори доаѓаат во автобуси од Cheektowage“, напишал Кери на сликата. AARP е американска организација која се бори за подобар живот и поголема правда кон постарите луѓе. Едниот полицаец во раката држи палка, а во другата вилицата на старецот кој лежи доле и вели „Ги имам неговите заби. Но, внимавајте… Се уште може да ве гризне“.

Во саботата полицајците Арон Торгалски и Роберт Меккејб беа обвинети за напад врз 75-годишниот активист Мартин Гугин, пред гратското собрание во градот Бафало. Тие двајца на суд одговориле дека не се чувствуваат виновни.