Џенифер Лопез и Бен Афлек „фатени“ заедно во Монтана: Дали „Бенифер“ се враќа по 17 години?
Поранешната славна двојка и поранешни свршеници Џенифер Лопез и Бен Афлек поминуваат се повеќе време заедно, откако Лопез официјално се раздели со нејзиниот вереник Алекс Родригез…
Десет дена откако Афлек беше „фатен“ како ја посетува Лопез во нејзиниот дом во Беверли Хилс кон крајот на април, 51-годишната пејачка и 48-годишниот актер се забележани заедно во Монтана.
Според списанието „People“, Џенифер и Бен биле фотографирани заедно во автомобил, недалеку од одморалиштето „Big Sky“, каде што актерот имено поседува куќа.
Ексклузивните фотографии на кои се гледа Афлек зад воланот на автомобил и Лопез на совозачкото место ги објави „The Daily Mail“.
„Џенифер помина неколку дена со Бен надвор од градот. Тие се силно поврзани. Сè беше брзо и интензивно, но Џенифер е среќна“, изјавил извор близок до парот, кој подоцна беше забележан како се качува на приватен авион со кој се вратија во Лос Анџелес.
Лопез и Афлек ги полнеа насловите страници неколку години под прекарот „Бенифер“, а во 2002 година се верија. Планираната венчавка беше одложена во 2003 година, а потоа во јануари 2004 година, тие официјално раскинаа.