Во една од бањите на родилиштето Чачак, Србија, утрово во бојлерот се појавила искра, која ги запалила памучната волна и медицинскиот материјал во бањата.

Дежурната медицинска сестра реагирала навреме, ги вклучила противпожарните апарати и го изгаснала пожарот, пишуваат српските медиуми.

Остатокот од персоналот на Одделот за неонатологија на Општата болница во Чачак реагирал со смиреност, па струјата веднаш беше исклучена, а родилките кои биле во собите во близина на бањата се преместени на побезбедно место.

За појавата на пожарот била известена и дежурната противпожарна единица, која се појавила на местото на пожарот во рекордно време и изјавила дека пожарот е изгаснат со навремена и смирена реакција на медицинскиот персонал, и дека е ретка можност во вакви ситуации пожарникарите да констатираат дека пожарот е ставен под контрола дури и пред нивното пристигнување.

Бидејќи најверојатно причина за пожарот се искри на бојлерот, раководството на болницата ја повикало надлежната инспекциска служба да изврши вонреден преглед, а наредена е и внатрешна проверка на сите електрични уреди во болницата.