Како што и се најавуваше, денеска Барселона потврди дека нејзин нов фудбалер е Сержињо Дест кој потпиша договор до крајот на сезоната 2024/25.

Во истиот договор веднаш е поставена откупна клаузула од 400 милиони евра. Трансферот од Ајакс во Барса вреди 21 милион евра плус пет милиони како бонуси. 19-годишниот десен бек е роден во Холандија, но ги брани боите на најдобрата американска репрезентација.

Покрај тоа што може да игра во одбраната, може да ја поведе топката и на противничката половина и биде опасност за ривалите, па така каталонскиот клуб го дефинираше како напаѓачки десен бек.

Со 17 години дебитираше во Б тимот на Ајакс против ПСВ во 2018 година и во сред сезоната се најде во првиот тим каде што својот прв настап го имаше лани во јули во рамките од Холандскиот Супер куп.

Во текот на минатата сезона запиша 35 настапи, од кои на 27 беше стартер. Во одбраната беше солиден, а воедно имаше два гола и шест асистенции.