Оваа година македонскиот кошаркар Андреј Шошкиќ настапува во американската НЦАА лига каде сезонава игра за екипата на Универзитетот Стони Брук.

Шошкиќ имаше импресивно деби во натпреварувањето, а во најновиот меч Стони Брук убедливо со 107:43 го совлада Ст. Џозеф Лонг Ајленд Голден Иглс.

Шошкиќ на овој меч за 13 минути поминати на паркетот имаше 10 поени, еден скок и две асистенции.

Тимот на Стони Брук моментно е на првото место во Атлетик конференцијата со максимален учинок 3-0.

Следниот меч Шошкиќ и неговите соиграчи ќе го имаат на 15 ноември против составот на Јел.