Дербито на ЛШ е во Париз, Црвена звезда против Јанг Бојс за европска пролет
Денеска ќе се играат натпреварите од петтото коло во фудбалската Лига на шампионите во групите Е, Ф, Г и Х.
Во групата „Е“ од 18.45 часот Лацио во Рим го пречекува Селтик, додека Феенорд од 21.00 часот го пречекува Атлетико Мадрид. Три екипи се борат за влез во нокаут-фазата, а Селтик има само шанси да стигне до третото место кое води во Лига Европа.
Табела: Атлетико Мадрид 8 бодови, Лацио 7, Феенорд 6, Селтик 1.
Во групата „Ф“ исто така е доста неизвесно, сите четири тима со шанси да се најдат во осминафиналето. Дербито во Париз меѓу ПСЖ и Њукасл од 21.00 часот, а во истиот термин Милан е домаќин на Борусија Дортмунд.
Табела: Борусија Дортмунд 7 бодови, ПСЖ 6, Милан 5, Њукасл 4.
Во групата „Г“ веќе сè е познато, Манчестер сити и Лајпциг кои ќе се соочат од 21.00 часот на „Етихад“ се сигурни учесници во нокаут-фазата на ЛШ, а за место во ЛЕ се борат Црвена звезда и Јанг Бојс кои ќе имаат директна пресметка од 21.00 часот во Берн.
Табела: Манчестер сити 12 бодови, Лајпциг 9, Црвена звезда 1, Јанг Бојс 1.
И во последната група „Х“, три екипи се во трката за првите две места, додека белгискиот Антверпен има само теоретски шанси да дојде до третата позиција и продолжување во Лига Европа. Од 18.45 часот Шахтјор Доњецк е домаќин на Антверпен, додека Барселона од 21.00 часот ќе игра против Порто.
Табела: Барселона 9 бодови, Порто 9, Шахтјор Доњецк 6, Антверпен 0.