Депилација во домашни услови: Еве како наједноставно да направите шеќерна паста за депилација (ВИДЕО)
Сакате депилација во домашни услови бидејќи одамна не сте го посетиле козметичкото студио поради коронавирусот? Ви претставуваме одличен рецепт како дома да направите брза шеќерна паста со само 3 состојки.
СОСТОЈКИ:
8 лажици шеќер
3 лажици лимонов сок
3 лажици вода
НАЧИН НА ПОДГОТОВКА:
Ставете ги состојките во сад на појак оган околу 5 минути. Често мешајте. После 3 минути намалете ја малку температурата на шпоретот. Готово е кога смесата ќе биде густа како мед.
Претурете во сад каде ќе ја мешате пастата додека не се разлади, односно стане млака.
Смесата ја нанесувате на местото кое сакате да го депилирате во обратен правец од растот на влакната. Почекајте малку и извадете ја смесата, но во правец во кој растат влакната.
Шеќерната смеса е целосно природна и не содржи какви било хемикалии. Депилацијата со шеќерна смеса е побезболна од депилацијата со восок. Таа e eвтина, можете да ја практикувате во домашни услови. Откако ќе го совладате правењето на смесата, депилацијата е особено брза.
Ви претставуваме три видеа кои може да ви помогнат полесно да го научите процесот на подготовка на шеќерната паста, но и самото депилирање.