Денис Вилнев ќе режира уште еден научнофантастичен филм
Според The Hollywood Reporter, режисерот ќе преземе уште еден научнофантастичен проект— адаптација на книгата „Rendezvous with Rama“ од 1973 година, од познатиот писател Артур Ч. Кларк (автор на „2001: A Space Odyssey“)
По неверојатниот успех со адаптацијата на Хербертовата „Dune“ и веќе на пат кон вториот дел од серијалот, се чини дека Денис Вилнев нема намера да запре со Sci-Fi жанрот во брзо време. Според The Hollywood Reporter, режисерот ќе преземе уште еден научнофантастичен проект— адаптација на книгата „Rendezvous with Rama“ од 1973 година, од познатиот писател Артур Ч. Кларк (автор на „2001: A Space Odyssey“)
Denis Villeneuve Tackling Adaptation of Sci-Fi Classic ‘Rendezvous with Rama’ (Exclusive) https://t.co/xMhbYnDq3K
— The Hollywood Reporter (@THR) December 15, 2021
Филмот ќе биде финансиран од Alcon Entertainment, која ги има правата над книгата, и која во минатото застана зад уште два филмски проекти на Вилнев, „Prisoners“ со Хју Џекмен и „Blade Runner: 2049“ со Џејк Гиленхал во главната улога. Заедно со ко-извршните директори на Alcon, Бродерик Џонсон и Ендрју Косов, зад продукцијата на филмот ќе застанат актерот Морган Фриман и продуцентот Лори МекКрири, кои со години се обидуваат да ја адаптираат книгата.
Визијата на Вилнев за „Rendezvous with Rama“ целосно се поклопувала со желбите на Артур
„Rendezvous with Rama“ ја следи приказната на група истражувачи на вселената кои имаат задача да се пресретнат со вселенски брод што се движи низ Сончевиот систем. Луѓето веруваат дека овие мисии ќе доведат до првиот контакт на човештвото со вонземјанската интелигенција.
Според МекКрири и Фриман, визијата на Вилнев за „Rendezvous with Rama“ целосно се поклопувала со желбите на Артур.
– Ние сме уверени дека здружувањето со нашите продуценти Ендру и Бродерик од Alcon Entertainment е вистинскиот следен чекор во оваа над 20-годишна одисеја! – изјавија продуцентот и актерот.
– Ова е едно од најинтелигентните дела од овој жанр; поставува онолку прашања колку што одговара и е дело за нашето време. – велат Џонсон и Косов. – Совршено се прилагодува на брилијантната сензибилност на нашиот пријател и соработник Денис, а особено на неговата љубов и страст за научната фантастика. Исто така, задоволни сме што работиме со Морган и Лори. – додаваат тие.
Сепак, љубителите на Вилнев и Кларк ќе мора да почекаат за оваа адаптација на „Rendezvous with Rama“. Режисерот веќе има полни раце режисерски и продуцентски ангажмани околу мини-серијата „The Son“ предводена од Џејк Гиленхал, а покрај „Dune: Part 2“, се очекува и спин-оф серијата „Dune: The Sisterhood“ на HBO Max, исто така во режија на Вилнев.
HBO has given a series order to an adaptation of the Jo Nesbo novel The Son with Jake Gyllenhaal on board to star and his Prisoners director Denis Villeneuve on board to direct https://t.co/vwQcFhQyWd
— Deadline Hollywood (@DEADLINE) October 20, 2020
Denis Villeneuve will executive produce a new TV series titled #Dune: “The Sisterhood,” set to air exclusively on WarnerMedia’s streaming platform in 2020: https://t.co/lCvY0iUjtq pic.twitter.com/CFLv0LEYzb
— IndieWire (@IndieWire) June 10, 2019
Вилнев веќе навести што може да се очекува во продолжението на „Dune“, вклучително и воведување на одреден лик. Наедно, научно-фантастичниот блокбастер веќе се рангираше во повеќе номинации за Златен глобус.