„Делии“ во еуфорија: Легендата на руската кошарка ја засилува Звезда?
Славниот руски кошаркар Алексеј Швед е блиску да ја засили Црвена Звезда, пишуваат српските медиуми.
Договорот на Швед со ЦСКА Москва истече, а преку друштвените мрежи со кратка порака ја разбуди фантазијата на српските навивачи.
На неговата семејна фотографии му коментираа навивачите на Звезда, за тој да им одговори: Здраво, мои српски пријатели.
View this post on Instagram
Швед кон крајот мај се здоби со повреди на главата. Иако не беше во животна опасност, помина одреден период во болница. Сега конечно во целост се опорави и присуствуваше на натпреварот во кој ЦСКА Москва го победи Зенит со 72:69.
Во изминатата сезона за првпат во својата историја ЦСКА не се пласираше во финалето, а по поразот во полуфиналето од Локомотив Кубан незадоволна група навивачи го нападна пред ресторан во Москва.