Дејвид Бекам уште еднаш потврди дека успехот не му бил резервиран само за фудбалските терени. Легендарниот фудбалер за време на кариерата заработи огромно богатство, но неговата заработка по крајот на кариерата и се зголеми.

Со успешни бизнис-потези, инвестиции и растот на Интер Мајами, каде што е ко-сопственик, Бекам денеска официјално стана првиот британски спортист милијардер.

Неговото име се најде на најновата листа на милијардери на „The Sunday Times“, а според проценките, богатството што го поседува заедно со сопругата Викторија Бекам изнесува околу 1,36 милијарди евра.

Кога станува збор за најбогатите луѓе поврзани со спортот, Бекам моментално е на второто место, веднаш зад Берни Еклстоун, долгогодишниот шеф на Формула 1.

Гордон Ремзи му порача на Бруклин Бекам: „Еден ден ќе ги немаш мајка ти и татко ти“