Македонскиот репрезентативен голман Дејан Илиев и по заминувањето од Арад ќе продолжи да настапува во романскиот шампионат.

Букурешки Рапид денеска официјално соопшти дека е постигнат договор со Илиев, кој стави потпис на договор со важност од една и пол година, со можност за продолжување на соработката.

„Среќен сум што пистигнав во Рапид и подготвен сум да дадам се од себе за овој тим. Едвај чекам да ја почувствувам фантастичната атмосфера што ја создаваат навивачите на Рапид“, изјави 30-годишниот чувар на мрежата.

Рапид во моментов се наоѓа на второто место на табелата во романското првенство и има само еден бод помалку од лидерот Универзитатеа Крајова.