Дамева: Судскиот совет ќе го испита случајот „Таргет – Тврдина“
Претседателката на Судскиот совет Весна Дамева најави дека во врска со пресудата на Апелацискиот суд Скопје за предметот „Таргет – Тврдина“ во понеделник ќе утврдува дали ажурно е постапувано и дали одлуката е донесена од судија на кој му престанал мандатот, информираат од Судскиот совет.
– Со оглед дека вчера дознав од медиумите за конкретниот случај, во понеделник во рамки на моите овластувања веднаш ќе преземам дејствија, а Судскиот совет во рамките на своите законски надлежности ќе го испита конкретниот случај и за преземените дејствија и констатираната фактичка состојба ќе бидете навремено известени. Укажувам дека Судскиот совет нема надлежност да преиспитува, односно да оценува судска одлука, но има надлежност да ја констатира состојбата за текот на постапката во смисла на ажурно постапување и дали одлуката била донесена од страна на судија на кој му престанал мандатот поради исполнување на услови за старосна пензија – изјави Дамева.