На многу мажи кои се обидуваат да заведат жена, првото нешто што им паѓа на ум е да ги пригушат светлата за да создадат романтична атмосфера.

Меѓутоа, токму тоа не треба да го прават доколку сакаат да го покажат најдоброто од себе во кревет.

Интензивната светлина, исто како и дневната светлина, го зголемува нивото на тестостерон и може тројно да го зголеми задоволството, покажало истражувањето.

Сè повеќе мажи постари од 40 години страдаат од недостаток на сексуална желба. Научниците решија да проверат дали падот на либидото има некаква врска со влијанието на светлината во околината, односно со нејзиниот недостаток.

Тим италијански научници од Универзитетот во Сиена испитувале 38 мажи кои се борат со недостаток на сексуална желба. За да ја проверат теоријата, мажите биле поделени во две групи.

Во текот на две недели, група мажи секое утро биле носени во просторија со силна светлина. По тој период, им било мерено нивото на тестостерон и било забележано дека тој значително се зголемил во споредба со другата група мажи кои не биле изложени на силна светлина.

Резултатите од истражувањето беа претставени на годишната конференција на Европскиот колеџ за невропсихофармакологија (ЕСНП) во Виена.