Џек Озборн, синот на Ози Озборн, откри како изгледале последните денови од животот на неговиот татко. Во едно неодамнешно гостување тој изјавил дека последниот ден на Ози бил сосема вообичаен, иако се борел со здравствени проблеми.

Озборн почина на 22 јули 2025 година, а неговото семејство тогаш сподели емотивна изјава.

„Со тага поголема отколку што зборовите можат да опишат, мораме да ве известиме дека нашиот сакан Ози Озборн почина утрово. Беше опкружен со своето семејство и љубов“, наведоа тие.

Џек Озборн појасни дека утрото кога починал неговиот татко немало ништо драматично.

„Беше буден, ги правеше своите вообичаени работи, појадуваше и тоа беше тоа“, рече тој.

Иако сите знаеле за здравствените проблеми на Ози, Џек вели дека неговата смрт била изненадување.

„Сите знаеја дека е болен, но се подготвуваше за последниот настап на „Black Sabbath“, многу вежбаше и се движеше. Беше полн со енергија. Не очекувавме дека тоа ќе се случи толку брзо. Мислам дека едноставно му беше доста. Верувам дека до одреден степен имаме избор“, порача тој.