На манифестацијата Music Awards Ceremony 2020 во Белград имаше над 500 учесници. Имаше тешка конкуренција, вели пиарот на Влатко Лозановски, Васко Спасовски во телефонско јавување во „Утрински брифинг“на „Слободна ТВ“.

Влатко Лозановски ја освои наградата за најдобра поп-фолк нумера, за нумерата „Мајко“. Победи во силна конкуренција, меѓу номинираните беа Тропико бенд, Наташа Беквалац, Антонија Шола, Илма Карахмет и Лексингтон бенд.

-Можеби организациски не беше на најзавидно ниво, но сепак ова е втора ваква манифестација по ред. Секако, морам да кажам дека постигнавме неверојатен успех. Буквално цел Белград, цела Србија се интересираше за Лозано- рече во телефонско јавување Васко Спасовски, ПР на Влатко Лозановски.