Националната организација за потрошувачи (НЕПРО) денеска на веб-страницата на Министерството за внатрешна и надворешна трговија на Србија објави дека итно ги повлекуваат цуцлите на компанијата „Курапрокс“ од пазарот поради хемискиот ризик, објави Танјуг.

Станува збор за сериите 006, 007, 008, 009, 010 и 011, а производот е спакуван во картонска кеса/кутија.

Пред два дена беше објавено дека лабораториските тестови од чешката организација на потрошувачи „dTest“ откриле присуство на хемикалијата бисфенол А (BPA) во цуцлите произведени од „Curaprox“, како и во брендовите „Philips“, „Sophie la Girafe“ и „Foshan City Saidah“, објави „Guardian“.

Медиумите известуваат дека хемикалиите што содржат BPA се поврзани со нарушен сексуален развој, дебелина и зголемен ризик од рак.

Иако сите цуцли се означени како „без BPA“, тестовите покажаа присуство на хемикалијата во четири производи, при што највисока концентрација е забележана во цуцлата „Curaprox“ „Grow with love“, која според стандардите на ЕУ ја надминува дозволената граница.

Curaprox ги повлече засегнатите серии од пазарот и понуди враќање на парите. Регулативата на ЕУ ја забранува БПА во шишенцата за бебиња, но ограничувањата за цуцлите остануваат помалку строги, што предизвикува загриженост кај експертите за безбедност.