Црногорците се навистина „мрзливи“: Сè уште трае натпреварот во лежење, веќе 13 дена
Нема откажување во уникатното натпреварување во лежење во Европа, кое е веќе во тринаесетиот ден. Осум натпреварувачи, од кои пет дами и тројца мажи, верувале или не, сè уште лежат во сенката на стар јавор во селото Брезна во Црна Гора. Натпреварувачот којшто најдолго ќе издржи, ќе добие парична награда од 1.000 евра.
Според организаторите, тука најмалку се важни парите , бидејќи ова е пред сѐ многу тежок психолошки предизвик. Натпреварот е создаден како одговор на предрасудите дека Црногорците се мрзливи и сакаат да лежат.
Натпреварувачите се влезени во тринаесетиот ден и лежат повеќе од 290 час, со што веќе поставиле нов рекорд.
„Во текот на сите овие години, тоа никогаш досега не се случило и тешко ќе биде да се сруши овој нов рекорд, кој е веќе поставен“, изјави Миќо Благојевиќ, сопственикот на етничкото село Црна Гора, кој е организатор и креатор на овој необичен натпревар.
Натпреварувачите имаат право да одат во тоалет на секои осум часа по десет минути за да ги исполнат сите свои физиолошки потреби, а храната и пијалоците им се носат каде што лежат. За да се обезбеди сè да оди без проблеми, има и лекари кои ги посетуваат и ги проверуваат натпреварувачите.
Во Црна Гора се одржува натпревар во лежење: Ќе се излежуваат за награда од 1.000 евра
Соборен рекорд на натпреварот во лежење во Црна Гора: 12 учесници лежат повеќе од 120 часа