Соборен рекорд на натпреварот во лежење во Црна Гора: 12 учесници лежат повеќе од 120 часа
На натпреварот во лежење, што се одржува во црногорското етно-село „Монтенегро“, Брезна, кое се наоѓа меѓу Никшиќ и Плужине, утрово беше соборен рекордот постигнат во 2021 година, пишува „РТЦГ“.
Дури 12 натпреварувачи лежат повеќе од 120 часа и со тоа го соборија досегашниот рекорд на победничката на натпреварот Дубравка Алексиќ од Подгорица, од 2021 година, која лежеше 117 часа.
Организаторот на натпреварот и сопственик на етно-селото Миќо Благојевиќ, поставениот рекорд го потврди за медиумите.
Натпреварот започна во петокот наутро, каде беа пријавени 21 натпреварувач. Во меѓувреме девет натпреварувачи се откажаа, а 12 од нив се борат за наградата од 1.000 евра.
Правилата се дека на учесниците им е забрането да стануваат, но дозволено е спиење, читање книги, јадење и пиење. На секои осум часа на натпреварувачите им е дозволено да одат во тоалет.
Овој натпревар, кој ја прави Црна Гора единствена во Европа, е особено интересен поради прифатениот стереотип дека Црногорците се мрзливи.
Montenegro’s Brezna kicks off its ‘laziest citizen’ contest as participants compete for ‘longest bedtime’ prize https://t.co/su7Zt93RdT pic.twitter.com/L6qJBVd95B
— Anadolu English (@anadoluagency) August 18, 2023
Во Црна Гора се одржува натпревар во лежење: Ќе се излежуваат за награда од 1.000 евра
