Кошаркарската репрезентација на Македонија доживеа убедлив пораз од 36 поени разлика (53:89) од Црна Гора во пријателскиот натпревар што се играше во Бар, а кој за „црвено-жолтите“ претставува проверка пред стартот на преквалификациите за пласман на ЕП 2025.

Овој натпревар воедно претставуваше селекторско деби на Александар Јончевски кој го наследи Драган Бајиќ на клупата по лошите кваликации за пласман на СП 2023 година.

Сите дилеми околу победникот беа решени по само десет минути игра кога Црна Гора направи преднист од 18 поени (11:29). На полувреме се замина со идентична разлика (27:45), но третата четвртина започна со неверојатна серија на Црногорците од 0:16 за убедливи 27:61.

Најефикасен во редовите на Македонија беше Дамјан Робев со 10 постигнати поени, додека кај Црна Гора која се подготвува за настап на Евробаскетот се истакнаа Михајловиќ со 14, Дубљевиќ и Николиќ со по 13 постигнати поени.