Вработен како обезбедување украл 2 километри бакарни кабли вредни 200.000 евра од градежен објект во изградба, соопшти Министерството за внатрешни работи. Според информациите, каблите се користеле за градежни работи на подземен булевар.

„На 10 февруари 2026 година, полициски службеници од СВР Скопје лишија од слобода Т.М. (68) од Скопје, вработен како обезбедување, поради сомнение за сторено кривично дело „кражба“. Според пријавата, во период од еден месец од објект во изградба на подрачјето на Центар се одземени два километри бакарни кабли, со проценета вредност од околу 200.000 евра. Каблите се користеле за градежни работи на подземен булевар“ соопшти МВР.

Извршен е увид од екипа на СВР Скопје, а против осомничениот ќе следува соодветна пријава по целосно документирање на случајот.