Навивачите на Арсенал веруваат дека токму оваа сезона може да биде пресудна за прекин на долгото чекање на шампионска титула во Премиер-лигата. „Топчиите“ прикажуваат одлични настапи и во моментов се наоѓаат на врвот на табелата, но трката за трофејот воопшто не е лесна, особено поради силната конкуренција од Манчестер сити на чело со Пеп Гвардиола.

Дополнителен товар за лондонскиот клуб претставува и неповолната традиција. Статистиката вели дека Арсенал досега никогаш не успеал да стане шампион на Премиер лигата во сезони кога за Божиќ бил лидер на табелата.

Таков случај се случил четири пати, а лондонскиот клуб ниту еднаш не издржал до самиот крај на сезоната. Најсвежи се примерите од сезоните 2022/23 и 2023/24, кога Арсенал ја дочека Новата година на првата позиција, но титулата на крајот заврши во витрините на Манчестер сити.

Инаку, Арсенал има освоено три шампионски титули откако е формирана Премиер-лигата (1998, 2002 и 2004), но во сите тие сезони лондонскиот клуб не бил лидер за Божиќ.

Преземено од: Спорт.ком.мк