Бугарскиот фудбалер од редовите на ЦСКА Софија, Георги Јомов и официјално доби суспензија од четири години за неговиот позитивен допинг-тест по натпреварот против Македонија Ѓорче Петров.

Крилиниот фудбалер беше суспендиран на 25. август кога УЕФА по направените тестови открила дека е позитивен на дехидрохлометилтестостерон. Станува збор за недозволена супстанца која е повлечена од продажба уште во 90-тите години. Фудбалерот беше тестиран на 28. јули после натпреварот против Македонија Ѓорче Петров во Софија на која Јомов и постигна гол за ЦСКА Софија.

До денес отворена беше истрагата, а на крајот суспензијата е потврдена.

„УЕФА денеска донесе одлука за суспендирање на спортските права на Георги Јомов за период од 4 години. Се смета дека казната стапила во сила од 25.08.2022 година. Во изминатите 7 месеци клубот и нашите меѓународни адвокати беа непропустливи од страна на Јомов и ги вложија сите можни напори да му помогнат на фудбалерот да ја намали санкцијата. Георги Јомов ќе поднесе жалба на одлуката“, објавија од бугарскиот клуб.

Сепак, УЕФА има цврсти докази и мали се шансите да има промена во изречената казна.