Кога во април годинава со хеликоптер во болница е довезена жена во несвесна состојба која во 15. недела од бременоста претрпела мозочен удар, шансите за да преживее биле мали, а само малку поголеми биле шансите за преживување на бебето што го носела.

Меѓутоа, и покрај лошите прогнози, на 15 август со царски рез е родено бебе тешко 2,13 кг и долго 42 см.

Тие 117 дена, колку што ја одржувале во живот, веројатно се рекорд за најдолга вештачки одржувана бременост на мајка чиј мозок е мртов.

Кога ја примиле во болницата, лекарите 27-годишната жена ја ставиле на вештачко одржување на животот, па дури редовно ги движеле нејзините нозе за со симулација на одење да помогнат во растот на детето.

По породувањето, со присуство на сопругот и на другите членови од семејството, докторите го запреле системот за одржување во живот на мајката.