Челзи му го расипа дебито на Гризман (ВИДЕО) – Слободен печат
СпортФудбал

Челзи му го расипа дебито на Гризман (ВИДЕО)

Во пријателски натпревар одигран на неутрален терен, поточно во Јапонија Челзи со конечен резултат 2:1 успеа да слави против Барселона.

Гризман кој дојде од редовите на Атлетико Мадрид неуспешно дебитираше во дресот на Барса во чии редови пак не настапи првата ѕвезда Лионел Меси.

Лондонскиот клуб најпрвин поведе во 34 минута од средбата. Една аматерска грешка направи дефанзивецот на Барса, Серхио Бускетс кој имаше намера да додаде до својот тимски колега.

Но, топката му беше украдена, таа се одби до Абрахам кој се ослободи од противничкиот голман и стрелаше во мрежата.

Претходно најголемото летно засилување на Барса, Антоан Гризман имаше незгоден контакт со Жоржињо. Навивачите за момент беа во страв во 17 минута кога Французинот остана да лежи на теренот. За среќа, последните информации велат дека не станува збор за нешто посериозно, иако последниот збор секогаш го има лекарскиот тим.

Светскиот шампион на паузата беше заменет од Рафиња, двајцата тренери Валверде и Лампард направија голем број на промени давајќи им шанса на скоро сите свои фудбалери.

Сите дилеми беа решени во 81 минута кога Баркли со еден убав удар го матираше Аризабалага, а екипата од „Камп Ноу“ успеа во самиот финиш (90+1) само да го ублажи поразот со прекрасниот погодок на Ракитиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close