Челси и Јувентус пред договор, Сари го носи миленикот во Торино
Двете екипи се наоѓаат во завршна фаза од преговорите и прашање на денови е кога ќе биде официјализирана размената.
Јувентус и тренерот Маурицио Сари се чини дека размената со Барселона ја ставија во втор план и се насочија кон преговорите со Челси кои изгледа експресно ќе завршат со договор.
Сари ќе го добие својот омилен фудбалер, Жоргињо, додека во спротивен правец би заминал Федерико Бернадески.
Италијанскиот репрезентативец е проценет на 40 милиони евра и би претставувал идеално засилување за Челси бидејќи се знае дека по завршување на сезоната, тимот од „Стемфорд бриџ“ ќе го напушти Вилијан, а најверојатно истото ќе го стори и Педро кој има понуда од Рома и од Барселона.
Сари го тренираше Жоргињо во Наполи, а кога седна на клупата на Челси во 2018 година со себе го донесе и натурализираниот италијански репрезентативец.
Двете екипи со согласија за размената, а според италијанските медиуми зелено светло дал и Жоргињо, додека се чека потврден одговор уште од Бернадески.
Доколку пристигне во Челси, се очекува Бернадески да има загарантирано место во првиот тим токму поради заминувањето на Вилијан, а менаџерот на „сините“, Френк Лампард планира тимот да го засили на бековската позиција и во нападот.
Сопственикот на Челси, Роман Абрамович е подготвен да плати 60 милиони евра за левиот бек на Лестер, Бен Чилвел, додека за второто засилување го очекува жестока борба со Манчестер јунајтед.
На списокот на желби на Лампард и на Абрамович е Џејдон Санчо од Борусија Дортмунд но за него ќе мора да издвојат најмалку 100 милиони евра бидејќи „милионерите“ ги известија сите екипи дека пандемијата на коронавирусот нема да ја намали цената на одличниот англиски репрезентативец,