60-годишен вработен во шумското стопанство во Крушево ќе одговара откако чеканот за жигосување дрва, кој тој го должел во претпријатието, бил пронајден во камион на фирма натоварен со дрва, соопшти полицијата.

„ОВР Крушево поднесе кривична пријава против Д.Д. (60) од Крушево за сторено кривично дело „несовесно работење во службата“. На 02.07.2025 од страна на ОВР Демир Хисар и ОВР Крушево, извршена била контрола на товарни возила во сопственост на фирма од Крушево, кои биле натоварени со огревни дрва. При преглед во едно од возилата пронајден бил челичен чекан кој служел за жигосување на пресечените дрва, задолжен од вработен во Подрачно шумско стопанство „Липа“ – Крушево“.