Чави: Пјаниќ реши да си замине од Барса, секој си го избира својот пат
Миралем Пјаниќ кариерата ја продолжува во Шарџа од Обединетите Арапски Емирати, информира Фабрицио Романо, најсигурниот новинар кога се во прашање трансферите, објави дека е постигнат договор меѓу двете страни.
Пјаниќ беше изоставен од тимот на Барселона кој игра во Лигата на шампионите против Плзен, а трансферот го потврди каталонскиот тренер Чави.
– Пјаниќ реши да си замине од Барса за повеќе можности. Отсекогаш беше голем професионалец, мислам дека имаше шанси тука, но секој си го избира својот пат – се зборовите на Чави.
Репрезентативецот на Босна и Херцеговина, 32-годишниот играч од средниот ред, на „Камп Ноу“ пристигна пред две години за 60 милиони евра од Јувентус.
Не се снајде во Барса, па минатата сезона ја помина на позајмица во турскиот клуб Бешикташ. За Барселона одигра 30 натпревари, не запиша ниту еден гол, ни асистенција.
Miralem Pjanić, out of Barça squad as he’s set to complete his move to Sharjah FC as revealed yesterday. 🔴🇦🇪 #FCB
Xavi: “Pjanić has decided to leave for more opportunities — he has been a great professional, so I think he had chances here but everyone chooses their own path”. pic.twitter.com/MlmU54R8qA
— Fabrizio Romano (@FabrizioRomano) September 6, 2022