Актерот и мајстор на боречки вештини Чак Норис итно бил пренесен во болница на Хаваи по засега непознат „итен медицински случај“.

Актерот од серијата „Вокер, тексашки ренџер“ („Walker, Texas Ranger“), кој неодамна наполни 86 години, се наоѓал на островот Кауаи кога се случил инцидентот, објави „Пејџ сикс“објави „Пејџ сикс“.

Извори блиски до актерот изјавиле дека Норис „се чувствува добро“. Неговиот портпарол не бил веднаш достапен за коментар.

Норис го прослави својот 86. роденден на 10 март, а по тој повод објави видео од приватен боксерски тренинг на отворено.

„Јас не стареам. Јас напредувам. Денеска полнам 86! Нема ништо подобро од малку разиграна акција на сончев ден за да се чувствуваш млад“, порача тој во видеото споделено на Инстаграм.

„Благодарен сум за уште една година, за доброто здравје и за можноста и понатаму да го правам она што го сакам“, додаде Норис, заблагодарувајќи им се и на своите обожаватели.

„Вашата поддршка низ сите овие години ми значи повеќе отколку што можете да замислите“, заклучи тој.