Цеца го слави Св. Никола: Анастасија пристигна на славата, жал ми е што Немања не можеше да дојде
Српската пејачка Светлана Ражнатовиќ – Цеца денеска го прославува празникот Св. Никола во нејзиниот дом, пишува „Телеграф“.
По тој повод, членовите на нејзиното семејство и многубројните пријатели пристигнале кај неа за да ѝ ја честитаат славата. И ќерка ѝ Анастасија пристигнала од шпанскиот град Севиља, каде живее со сопругот – фудбалерот Немања Гудељ.
Како и секогаш, Цеца ги испочитувала новинарите, па излегла пред домот и им дала кратки изјави. Прво, таа се осврнала на наследниците на семејството Ражнатовиќ, синовите на син ѝ Вељко.
„Минатата година, Крстан не беше на славата, ова му е прва слава. Господ да ве благослови вас и Илјан следната година, па сѐ е убаво“, открила Цеца и истакнала дека е многу среќна што нејзината ќерка успеала да дојде.
„И Анастасија е тука. Јас сум многу среќна. Жал ми е што Немања не можеше да дојде, бидејќи вечерва има натпревар и многу му е жал. Можеби следната година ќе има можност“, истакнала пејачката, откривајќи дали често ѝ недостига ќерката на семејните веселби.
„Анастасија често ја нема. Навистина недостига… И Немања, но добро, сето тоа им оди во прилог на нивната среќа и тоа е најважно. Вели дека најмногу ѝ недостига мајка ѝ, па сите други, но Шпанија не е далеку, можам и јас да одам“, изјавила Ражнатовиќ.
Еден новинар ја прашал Цеца дали син ѝ планира да ја преземе славата, што видно ја изненадило Ражнатовиќ.
„Ми поставуваш прашања само за наследства, за преземање… Слави момче, што значи преземање? Јас да се повлечам и да седнам во ќош, а Вељко да преземе? Јас не разбирам? Сега е домаќин на славата, тоа е природно, машка глава, слава е“, објаснила таа.