„За секој работник и за секој што е вклучен во системот треба да има раст на платите. Треба да работиме на подобрување на стандардот на живеење. Со Законот за наставници предвидовме усогласување на платата на наставниците со минималната плата за никогаш да нема девалвација на платите. Со овој закон исто така се предвидува и вработување на неопределно време на наставниците, за тие да не бидат политички манипулирани“ кажа министерката за образвоание Мила Царовска во гостувањето на емисијата „Жешко политичко лето“ на Канал 5.

Таа додаде дека со новиот закон, наставникот со највисок квалитет ќе се вработува и никој нема да може партиски да го манипулира.

„Во законот предвидовме вработување на неопределено време, за разлика од претходно кога се вработуваа со договори на определено време. Само така ќе спречме партиски вработувања“ кажа Царовска.

Министерката додаде дека таа и во пракса покажа дека не се грижи кој од која партија е при избирот на менторите, каде што беа избрани најдобрите, без разлика дали се во некоја партија или не.