На слаломската трка на 41. издание на Шарпланинскиот куп триумфираше бугарскиот скијач Константин Стоилов.

Стоилов дојде до првото место со вкупно време од 01:32.76 мин., следен од двајца негови сонародници.

На второто место се најде Марко Семерџиев кој заостана +1.28 сек. зад победникот, а на третата позиција е Иван Главчев (+2.07).

Најдобар македонски скијач на овој слалом беше Мирко Лазарески освојувајќи го четвртото место (+2.68 сек.)

Од останатите наши натпреварувачи Виктор Петков заврши на деветтата позиција, додека Един Реџепи и Огнен Јованоски се најдоа на 14-та, односно 15-та позиција.

Првата трка од македонските скијачи не ја завршија Владимир Петков и Влатко Анастасоски, додека дисквалификуван Далибор Петрески. Втората трка не ја заврши Борјан Стрезоски, а дисквалификуван беше Јаков Добрески.

На снежните падини на Попова Шапка има натпреварувачи од Македонија, Србија, Бугарија, Турција, Хрватска, Црна Гора, Грција, Косово и Кипар.