Брзо се опоравуваат заболените од корона по вакцинацијата со Спутник V
Оваа информација се појави откако пристигна веста дека претседателот на Аргентина, Алберто Фернандез (62) бил тестиран позитивно на корона, откако бил вакциниран со Спутник V, пренесува ТАСС.
Во случај лице кое е вакцинирано со руската вакцина Спутник V да се разболи од ковид- 19, тоа брзо ќе закрепне, без сериозни симптоми, објави денеска Рускиот истражувачки центар за епидемиологија и микробиологија Гамалеја.
Оваа информација се појави откако пристигна веста дека претседателот на Аргентина, Алберто Фернандез (62) бил тестиран позитивно на корона, откако бил вакциниран со Спутник V, пренесува ТАСС.
„Жал ни е за претседателот Фернандез. Спутник V е 91,6 проценти ефикасен против инфекција и 100 проценти ефикасен против појава на тешки форми на ковид-19. Но, ако ковид-19 се потврди кај вакцинирана личност, тој пациент ќе има брзо закрепнување, без сериозни симптоми. Му посакуваме брзо закрепнување за претседателот Фернандез “, се вели во соопштението на Институтот Гамалеа.
Утрово аргентинскиот претседател потврдил дека е позитивен на корона вирусот и дека се чувствува добро.