Бразил ја надигра Хрватска на стартот од женскиот ракометен Мундијал
Селекцијата на Хрватска која на последното Европско првенство го освои бронзениот медал, со пораз ги започна настапите на ракометниот Мундија кој се игра во Шпанија. Подобри од „коцкестите“ беа ракометарките на Бразил кои славеа со 30:25 (18:12).
Најдобри кај Бразил беа Бруна де Паула со седум, Ана Паула Бело и Лариса Арухо кои дадоа по четир гола, додека кај Хрватска се истакнаа Валентина Блажевиќ со седум, Камила Мицијевиќ со ест и Андреа Симара со четири постигнати голови.
Резултатска неизвесност беше присутна во првите 20-тина минути од првото полувреме кога Хрватките има негатива од два гола (12:10), но потоа следеше серија на „кариоките“ од 6:2 по што на одмор заминаа со предност од 18:12. Во второто полувреме, Бразилките рутински ја одржуваа предноста и на крајот славеа со 30:25.
🇭🇷🆚🇧🇷 Brazil take a commanding lead into the half-time break against #ehfeuro2020 bronze medallists Croatia, 18:12 💪#Spain2021 #sheloveshandball pic.twitter.com/2uMFNHYlO2
— International Handball Federation (@ihf_info) December 2, 2021
Ракометниот Мундијал го отворија Шпанија и Аргентина, а организаторот славеше со убедливи 29:13. И во останатите натпревари, фаворитите немаа никакви проблеми, Австрија со 38:27 ја совлада Кина, Германија ја победи Чешка со 31:21, а Јужна Кореја со 37:23 ја совлада Гана.