БРАВО: Нуров и донесе златен медал на Македонија на Медитеранските игри
Македонија го освои првиот златен медал на Медитеранските игри што се одржуваат во Оран, Алжир, благодарение на борачот Магомедџгаџи Нуров.
Нуров во финалето во категоријата до 97 килограми го совлада Фејзула Актурк од Турција со 4:3 и тоа со одлично борење во финишот.
Турскиот борач на почетокот поведе од 0:3, но Нуров во продолжение успеа на два пати да освои по два поени за своите зафати и да направи пресврт за победа од 4:3 и за златен медал.
Победата ја обезбеди во последните секунди од борбата и на Македонија, кога со одличен зафат освои два поени ѝ и го донесе вториот медал на Медитеранските игри, но прв златен а двата медали ги донесоа борачи.
Претходно, Владимир Егоров освои бронзен медал откако во репасажот со 7:2 го победи домашниот борач Кербаче.