Бомба пукна во кола, убиен е шефот за снабдување со муниција на руската армија
Рускиот шеф задолжен за снабдување со муниција вчера беше убиен од бомба во неговиот автомобил, додека истовремено украински дронови погодија руска нафтена рафинерија на околу 800 километри од границата, објави „Гардијан“.
Препорачано
Дамир Давидов, раководител на ракетно-артилериската управа на руското Министерство за одбрана, загина во експлозија која се случила додека управувал со автомобил „БМВ Х3“ во градот Балашиха, во близина на руската престолнина.
Бомбата била скриена под возачкото седиште, според медумските извештаи.
Очевидци изјавиле дека Давидов починал пред да пристигне итната медицинска помош.
A car exploded in the Moscow suburb of Balashikha. According to reports, the driver was killed in the blast. The circumstances of the incident and the identity of the victim remain unknown. pic.twitter.com/s4xxttMw1m
— Special Kherson Cat 🐈🇺🇦 (@bayraktar_1love) June 9, 2026
Медиумите наведуваат дека властите подоцна откриле уште една бомба во друг автомобил во југозападниот дел на Москва, која била контролирано детонирана.
Од почетокот на војната, неколку високи функционери поврзани со руските воени операции беа цел на атентати, за кои украинските безбедносни служби понекогаш преземаа одговорност, а во други случаи беа обвинувани од руските власти.
Украински напади врз неколку руски градови
Во меѓувреме, украински дронови погодиле нафтена рафинерија во рускиот град Самара.
Рафинеријата „Кујбишевски“, која се наоѓа на околу 800 километри од украинско-руската граница, се запалила по нападот.
Во Чебоксари, главниот град на руската република Чувашија, украински ракети погодиле истражувачки и производствен комплекс.
Според украинската воена разузнавачка служба, фабриката снабдува делови за руската одбранбена индустрија, вклучително и компоненти за беспилотните летала „Орион“ и ракетите „Искандер“.
Засега нема информации за жртви.
Украина редовно изведува напади врз воена инфраструктура длабоко на руска територија и во окупираните области со цел да ја намали способноста на Москва да ја продолжи војната.
ВИДЕО | Руски генерал загина по експлозија на автомобил-бомба во Москва
