Генералниот секретар на Обединетите нации, Антонио Гутереш, изјави дека е длабоко вознемирен од обновената ескалација на Блискиот Исток и побара од страните во конфликтот веднаш да ги запрат сите напади, објави „Ројтерс“.

„Сите напади мора веднаш да престанат. Прекините на огнот во Либан, Иран и Газа мора целосно да се почитуваат и сите чекори што би можеле да ги поткопаат тековните дипломатски напори мора да се избегнуваат“, рече Антонио Гутереш во објава на социјалната мрежа Икс.

„Длабоко сум загрижен за одлуката на Израел да ги затвори премините што водат кон Газа и го повторувам повикот за итно отворање на сите премини за да се обезбеди брз, безбеден и непречен проток на хуманитарна помош низ Газа“, додаде тој.

Гутереш повтори дека нема воено решение за конфликтите на Блискиот Исток и рече дека единствениот пат напред е преку дијалог и преговори, поради што ги повика сите заинтересирани страни да работат на дипломатски решенија што го подобруваат регионалниот и меѓународниот мир и безбедност.

ОН за Газа: Речиси 800 луѓе се убиени на пунктовите за дистрибуција на хуманитарна помош за шест недели