Шкотскиот гигант Ренџерс е сè поблиску до ангажман на македонскиот напаѓач Бојан Миовски, тврдат медиумите во оваа земја. Според најновите информации, „сините“ од Глазгов се фаворити за да го донесат Миовски назад во Шкотска, каде што тој веќе се докажа во дресот на Абердин.

По неубедливата епизода во Жирона, македонскиот репрезентативец најверојатно ќе си замине од шпанската Примера и повторно ќе заигра на островот, каде што остави силен впечаток. Иако Селтик долго време го имаше на радарот, изгледа дека сега Ренџерс се на потег и се многу поблиску до реализација на трансферот.

Но, тоа не е сè. Во Глазгов работат и на уште едно звучно име, легендарниот Џејми Варди, кој летово си замина од Лестер. Планот на Ренџерс е амбициозен: Варди и Миовски во нападот како силен тандем кој би ја кренал екипата на повисоко ниво за новата сезона.