Портпаролот на Левица, Круме Богевски, изјави дека кандидати на партијата за советници добиле телефонски повици од луѓе кои нуделе „списоци на гласачи“ што би гласале за Левица доколку партијата плати вкупно 2.000 евра, односно по 100 евра по лице.

Богевски нагласи дека станува збор за провокација со цел кандидатите да бидат фатени на дело, додавајќи дека понудата веднаш била одбиена и пријавена во полиција.

Тој воедно укажа и на изборни нерегуларности, меѓу кои и случаи на умрени лица во Избирачкиот список, што, според него, ја нарушува довербата во изборниот процес.

Дополнително, Богевски посочи дека набљудувачи на Левица не биле пуштани на избирачките места, а на нивните семејства им бил вршен притисок, што партијата го смета за сериозно кршење на демократските стандарди и изборниот молк.

Приведени се двајца престапници во Чаир — лажно се претставувале како изборни набљудувачи