Капитенот на српската репрезентација, Богдан Богдановиќ, е пред заминување од НБА лигата и според најавите следната сезона би можел да се врати во Европа.

Турските медиуми пренесуваат дека неговата епизода во Лос Анџелес клиперс е при крај и дека е на чекор од договор со Бешикташ, каде што би заработувал околу 2,1 милиони евра по сезона.

Клучна улога во можниот трансфер би имал тренерот Душан Алимпијевиќ, а соработката наводно би можела да биде договорена на две години, со опција за уште една. Истанбулскиот тим веќе сериозно се подготвува за историско финале во Еврокупот против францускиот Бург, со амбиции да стигне до првиот европски трофеј и место во Евролигата.

🚨 BOGDAN BOGDANOVIC HAS DECIDED TO COME BACK TO ISTANBUL!

EuroLeague’s new side Besiktas GAIN have agreed with the Serbian star on a 2+1-year contract. Bogdan Bogdanovic will earn $2,300,000 per season.

Dusan Alimpijevic has become an important factor in this saga. pic.twitter.com/9KLpOGhYuv

— Euroleague Centel (@EuroleagueCT) April 20, 2026

Богдановиќ оваа сезона не беше во преден план кај тренерот Тајрон Лу, но Клиперс имаат можност до 26 јуни да ја активираат клаузулата за продолжување на договорот за уште една година. Постоеше и опција за нов четиригодишен договор, но таа опција во овој момент не е реална.

Доколку клубот не ја искористи опцијата, Богдановиќ ќе стане слободен агент и од 1 јули ќе може да преговара со други клубови, па доколку најавите за трансфер во Истанбул се покажат точни, договорот со Бешикташ би можел брзо да стане официјален.

Во изминатиот период се споменуваше и интерес од Партизан, но се чини дека турскиот клуб е поконкретен. Останува да се види и реакцијата на навивачите на Фенербахче, каде што Богдановиќ настапуваше три сезони.

По настапите за Партизан и Фенербахче, Богдановиќ во 2017 година замина во НБА, каде што покрај Клиперс беше дел уште од Сакраманто и Атланта.

Шок за Партизан: Не добил лиценца за настап во Европа