Најдобриот хрватски кошаркар, Бојан Богдановиќ потврди дека повеќе нема да настапува за репрезентацијата на Хрватска и не размислува за враќање во Европа.

Во разговор за „Мундо Депортиво“, Богдановиќ порача дека неговиот став не се променил кога во прашање е играњето за репрезентацијата.

„Ставот ми е ист како минатото лето и не мислам да го променам“, изјави Богдановиќ.

Следуваше прашањ дали по НБА кариерата ќе се врати во Европа.

„Мислам дека нема повторно да играм во Европа. Ми се допаѓа д ебатата, поинаков е стилот на кошаркар, менталитетот во Европа е различен, во секој натпревар се игра жестоко“, истакна хрватскиот кошаркар.

Откри во кои клубови сака да игра, ако сепак некогаш се врати.

„Реал Мадрид и Фенербахче се двата клуба каде што би играл, но како што кажав не размислувам во таа насока“, изјави актуелниот играч на Детроит.

Богдановиќ во кариерата играше за Зрински, Цибона, Мурсија, Реал Мадрид, Фенербахче, Вашингтон, Индијана, Јута, а во Детроит е од 2022 година.