Ширум малечката земја од само 620.000 жители растат лути протести со ретко покажување на пркос кон човекот кој од слуга на Слободан Милошевиќ се претвори во најдолговечен  лидер во Европа, пишува американскиот магазин „Блумберг“.

Изграден во речиси вертикално скалило со спектакуларен поглед кон долината, манастирот Острог претставува едно од најголемите светилишта во Европа. Од 17. век преживеа многу војни и превирања кои го одредија најнеуредениот регион во Европа.

Комплексот цркви сега е симбол на новата борба околу културниот идентитет, а во светот на христијанското православие тука неминовно се работи за моќ и нација.

Манастирот ѝ припаѓа на Српската православна црква, иако се наоѓа во Црна Гора, најмалата од шесте поранешни југословенски републики.

Претседателот на Црна Гора сака да воспостави своја православна црква и така својата земја да ја оддалечи од орбитите на Русија и Србија. Државата во спроведувањето на планот може да ги земе црковните имоти вклучувајќи го и Острог. Верниците сепак јасно ставија до знаење каде се наоѓа нивната преданост и на чија страна се.

Црна Гора му се приклучи на НАТО во 2017 година и го продолжи својот пат кон ЕУ, но вртењето грб на СПЦ е еден чекор премногу за многумина.

„Никогаш во историјата еден атеист и комунист не направиле црква, соопшти свештеникот од Острог Јован Радовиќ за “Блумберг“.

„Неверојатно е колку е посветен на таа задача. Улогата на црквата е да ги спасува луѓето од грев, не да создава нови нации“.