Блокотехна се враќа во кошарката, прв чекор донација од 200.000 денари
Гевгелискиот клуб ќе стартува од најнискиот ранг и доколку сè оди според планираното, амбициите ќе бидат и „кам-бек“ во Првата лига.
Гевгелискиот клуб беше основан во 2017 година, а две години подоцна успеа да ја освои балканската титула.
Како што се дознава од социјалните медиуми, Блокотехна е подготвена за повторно враќање на кошаркарската мапа.
Како прв чекор ќе биде помош од 200.000 илјади денари кон Црвениот крст, за помош на погодените од Ковид-2019.
– Првите луѓе на овој клуб изјавуваат:
Да, одлучивме да се вратиме. Кошарката е спорт кој нè сплотува и обединува. Гевгелија ја сака кошарката и мислиме дека нема да биде премногу доколку има уште еден клуб. Респект кон КК Кожув, но чувствуваме дека ќе има малку место и за нас. Нормално ќе стартуваме од најнискиот ранг и доколку Господ даде, а и ние му помогнеме, амбициите ќе бидат Прва лига. Како наш прв чекор ќе биде помош од 200.000 илјади денари кон Црвениот крст, за помош на погодените од Ковид-19.
Да си ја сакаме Македонија и да си го сакаме спортот.
Управа на КК Блокотехна –
