Битка за бронза: Хрватска и Мароко ќе испишат историја на светските фудбалски првенства
На стартот од Мундијалот во Катар, репрезентациите на Хрватска и Мароко веќе се сретнаа еднаш во рамките од групата „Ф“ кога во првото коло ремизираа без голови (0:0), на стадионот Ал Бајт во Ал Хор.
Хрватска имаше 65 отсто посед на топка со само два кон противничкиот гол. Без вистински решенија во нападот и со неколку добри интервенции на Доминик Ливаковиќ, Хрватска освои бод.
Мароко се покажа како многу тврд тим кој не прима и не постигнува многу погодоци. На патот до мечот за бронзениот медал не примија гол против Хрватска (0:0), Белгија (2:0), Шпанија (0:0) и Португалија (1:0). Во полуфиналето беа поразени од Французите со два примени голови.
Нов дуел меѓу овие две селекции ќе има в сабота на 17 декември на Интернационалниот стадион „Калифа“. Тоа ќе биде само четврти пат во историјата на Светските првенства две репрезентации да се сретнат двапати на исто Светско првенство.
СП 1954 Швајцарија
Унгарија – Западна Германија 8:3
Западна Германија – Унгарија 3:2
СП 1962 Чиле
Чехословачка – Бразил 0:0
Бразил – Чехословачка 3:1
СП 2018 Русија
Белгија – Англија 1:0
Англија – Белгија 0:2