Бил Клинтон, Мајкл Џексон, Мик Џегер – кој сè е дел од новообјавените документи за Џефри Епстин
Министерството за правда на САД објави илјадници нови документи поврзани со осудениот сексуален престапник Џефри Епстин. Дел од документите (најмалку 550 страници) се целосно затемнети, а останатите се делумно редактирани, вклучувајќи ги и фотографиите на јавни личности како Бил Клинтон и Мајкл Џексон, Мик Џегер, Бил Гејтс, објави Си-би-ес.
Препорачано
New Epstein Files show former President Clinton swimming with Ghislaine Maxwell and [redacted]. pic.twitter.com/MVOjJvrva6
— Coffeezilla (@coffeebreak_YT) December 19, 2025
Документите вклучуваат снимки од резиденциите на Епстин, истражни записи и транскрипти од големата порота, меѓу кои и информации за обвинувањата против соработничката на Епстин, Гислен Максвел.
🚨ATENÇÃO: Donald Trump, Michael Jackson e Mick Jagger em novos documentos de Jeffrey Epstein revelados hoje. pic.twitter.com/Bp2bCroKv3
— CHOQUEI (@choquei) December 19, 2025
Министерството тврди дека редакциите се направени во согласност со Законот за транспарентност на досиејата на Епстин, со цел заштита на личните податоци на жртвите, отстранување на насилни или сексуално експлицитни материјали и заштита на активни истраги.
Сепак, објавувањето предизвика критики од дел од демократите и републиканците, кои тврдат дека многу страници се „премногу редактирани“ и дека тоа ги крши духот и законот за транспарентност.
Министерството, пак, одбива да ги прифати овие критики, нагласувајќи дека документите се прегледувани од повеќе од 200 адвокати за да се заштитат личните податоци на жртвите.
Објавувањето следи по неколкумесечни политички судири и бунт од дел од најлојалните поддржувачи на претседателот Доналд Трамп, незадоволни од одбивањето на неговата администрација јавно да ги обелодени сите досиеја поврзани со истрагите за Епстин.
