Бик од расата ангус е продаден во Австралија за неверојатна сума од 235.000 австралиски долари или околу 143.000 евра, што го прави еден од најскапите животни што некогаш биле на продажба, јавија светските медиуми.

Бикот на кој му дале име како да е модел на автомобил: „Granite Ridge Velocity V42“ (Гранит Риџ Велосити V42), минатиот месец е продаден во австралиската држава Нов Јужен Велс, позната по развиеното сточарство.

Купувачот е фарма за расплод од државата, која одлучила значително да инвестира во врвна генетика.

Според купувачите, бикот ги убедил со неговата многу цврста градба, изразени физички карактеристики и смирен темперамент. Квалитетот на крзното и кожата, како и многу добрите генетски индикатори одиграле улога во нивната одлука да ја потрошат рекордната сума.

Во одгледувањето говеда, врвните бикови за размножување се сметаат за долгорочна инвестиција. Еден бик може силно да влијае на генетиката на целото стадо во текот на неколку години, или преку природно парење или со вештачко осеменување.

Расата Ангус со години ужива голема популарност кај светските производители на говеда, првенствено поради квалитетното месо, добрата конверзија на храната и прилагодливоста на различни услови на производство.

ВИДЕО: Бикот самотник Мишко правеше проблеми и го убија, на селаните сега им е жал